|
Sportspiel sind gwöhnlich e Oberkategorie für Kampf- und Rennspiel und fasse die zämme. Do goht s um de sportlichi Ehrgiz z gwinne und nur z gwinne. Ganz noch em Prinzip: Es git nur ei Gwinnerplatz und das isch de Erschti. Zu Sportspiel zelle aber au alli Spiel, bi däne reali Sportarte gspilt wärde. Gebrüchligi Bispiel defür sind Basketball, Fussball, Tennis und Volleyball. Die Sportspiel wärde am hüffigschte ihgsetzt. Aber au Sportspiel wie Angle kömme uff de Computerbildschirm, die jedoch au real wenig mit Sport gmeinsam hänn. Bi däre Genre wärde also Sportarte am Computer simuliert. E ganz e einfachi Reproduktion vo Tennis isch z.B. s bekannte und zu de Klassiker zellende Spiel Ping-Pong, bi däm s drum goht, de Ball devo abzhalte, dass är ussem Spielfäld goht. Ganz sälte wärde Spiel wie Skateboarding produziert, die s jedoch meischtens schwer hänn uff em Markt e bsunderi Stellig ihznäh. Zämmefassend ka me aber sage, dass es bi Sportspiel, egal vo wellere Art, hinsichtlich de Regle, rächt sportlich zuegoht.
|
