|
Kartespiel hänn sich scho sehr frieh in de Gschichte entwicklet. Sie wärde wältwitt gspilt und hänn so au ganz unterschiedlichi Ziel, Kartensymbol und Regle. E wichtige Unterschied zwüsche de Kartenspiel isch, näbem Spielziel, d Kombinatione, die im Spiel möglich sind und Wirkung vo däne. Karte wärde au im Beriech vom Glückspiel, wie z.B. bim Poker ihgsetzt, was in letzter Zit sehr beliebt geworden isch. Aber au traditionelle Kartespiel wie Bullshit, Mau-Mau, Bauernschnapsen, Doppelkopf, Schafkopf, Durak, Skat oder Hearts wärde sehr oft online gspilt. De Vorteil isch do natürlich, dass me die Spiel au gege anderi Spieler usstrage ka und das ortsunabhängig. Usserdäm miend keini reale Karte benutzt wärde und so entfallt z.B. s Risiko, dass de Gegner e Blick uff dini Karte erhasche ka. Bi e paarne Spiel goht s au drum zum richtige Zitpunkt e bstimmti Aktion usszfiehre und de andere durch s bekannte Pokerface nüt devo zu verrothe. So ka e Kartespiel au mol d Reaktionsfähigkeite vom Spieler fordere. Grundsätzlich forderet e Kartespiel jedoch d Logik vom Spielers. E witteri bsunderi Form vom Kartespiel sind d Lernspiel wie "Set!", die näbe Konzentration und Uffmerksamkeit au s Denkvermöge beanspruche.
|
