Beschreibung:
Do spielt me Blackjack gege de Computer. Es handlet sich do um e Kartespiel bi däm me, nochem Wettihsatz zwei Karte vo de Bank bekunnt. Die Karte sind offe und d Kartewärt wärde zämme addiert. wobie Bilder wie Bueb, Dame und König jewils zäh Pünkt zelle. Bim Ass ka sich de Bsitzer entscheide, ob s nur ei Punkt oder elf Pünkt zelle soll. Alli andere Karte zelle soviel Pünkt wie uff ihne stönn. Nochdäm me die erschte zwei Karte beko het, git sich d Bank au zwei Karte, wobie do nur ei offeni z seh isch. jetzte muess me sich entscheide, ob me e witteri Karte kaufe möcht, denne klickt me unte uff Hit. Das macht me solang, bis me keini Karte mehr benötigt oder sich überkauft het. Het me mehr als 17 Pünkt aber no unter 21, denne goht me uff Stand, um die z halte. Mit Double ka de Wettihsatz eimohlig verdopplet wärde. Isch er druckt bekunnt me nur no ei Karte.